* La nomo venas de la rivero Ruhr, kiu en la suda parto trafluas la regionon. Kun entute 4,5 km² ĝi estas la plej granda aglomera zono en Germanio, pli ol 5 milionoj da homoj loĝas en la regiono. Grandaj urboj (Dortmund, Bochum, Essen, Oberhausen), konataj pro la iamaj industriaj centroj, intertempe pli kaj pli "kunkreskis", tiel ke ofte ne plu estas rekonebla la urba limo. Sekve de strukturaj ŝanĝoj, multaj urboj nun sukcese transformiĝas al modernaj servaj kaj libertempaj metropoloj; la iamaj industriaj gigantoj (minejoj) fariĝis muzeoj, gastigas ekspoziciejojn kaj magazenojn. Antaŭ du jaroj la tuta Rur-regiono, kiel "Ruhr 2010", fariĝis Eŭropa kultura ĉefurbo ...